« Home | تعليقات حول تفجيرات دهب » | مناقشة » | خوف » | Judgment » | صديق » | لحظة ملل » | عايز تموت ؟ » | صور » | إبتسامة » | رؤية شخصية » 

Thursday, April 27, 2006 

إكسر لابنك ضلع يطلعله 24

و انا صغير لما كنت بتخانق مع عيل من عيال الشارع و يضربني كنت اطلع بيتنا اعيط أمي تقول فيه إيه ؟ أقولها فلان ضربني
فطبعا أول رد فعل انها تهبدني قلم و تقولي بس اسكت الراجل ميعيطش
و بعدين تقوم مجرجراني عالشارع و تنادي علي فلانة و تفرجها علي و انا بعيط و تقولها ابنك ضربه و تفضل تتخانق و انا واقف عمال اعيط و زيطة
طيب فلنفترض اني قلتلها مثلا اني مش عايز مامته تضربه ؟ مين يسمع بقي هي كانت ما بتصدق تلاقي خناقة و كان لازم تجرجرني معاها و تفرج الشارع عليا لحكمة .. علشان اتعلم بعد كده ان اللي يضربني اضربه انا كمان مروحش اشتكي و اعيط و زي البنات
بعدين لما فكرت في اللي والدتي عملته معايا دا اكتشفت - بتفكيري المحدود - إنها عودتني علي حاجتين مهمين
أولا : إن اللي يضربني مفكرش أبدا اني اشتكيه لأي سلطة تقدر تجيبلي حقي إنما اخد حقي بإيدي
ثانيا : لو انا مقدرش اخد حقي و الواد نزل فيا ضرب ؟ يبقي اضرب و انا راجل - الكلام ده و انا عندي 6 أو 7 سنين كده - و معيطش
بالتالي كنت بضرب و بعيط و اتبهدل علي إيد امي و افضل مستني لما تجيلي فرصة الإنتقام
طيب هنتقم مثلا من العيال اللي كانو بيهروني ضرب ؟
مانا لو كنت اقدر مكنتش اضربت من الأول
و بالتالي كان دايما الحل اللي قدامي هو تامر اللي ساكن في الشقة اللي تحت
ضعيف و طيب و بيتهته في الكلام
أقوم اتلككله علي أي حاجة و اعجنه ضرب
و اطلع امي تقولي انت كل شوية خناقات و زفت منتاش نازل تلعب في الشارع تاني
و طبعا هما يومين و انزل عادي
بس هو ده كل العقاب لما اضرب واد غلبان و ابهدله
اللي أجمل من كده اني كنت من شباك أوضتي بسمع ام تامر و هي عمالة تعايره بخيبته و تتريق عليه و ممكن اسمعها بتضربه هو كمان عشان بيعيط
طبعا والدتي و ام تامر مكانوش ستات أشرار من بتوع كوكب فودا فودا اللي بيحكي عليه إبليس ده
إنما كانو ستات طيبين جدا و حنينين جدا لكن مقتعين ان دا الصح و انهم كده بيعملو مننا رجالة و مهماش حالات منفردة يعني انما أنا أعتقد انهم نموذج منتشر جدا في مصر
تامر دلوقتي عايش في الإمارات و هو الحقيقة السبب اني افتكرت ذكريات الطفولة المزعجة دي
السنة دي أخته اتجوزت و ابوه مات و هو مجاش خالص و امبارح جيه أخيرا عشان يقف في جنازة والدته
الغريبة اني كنت دايما معتقد ان الأمية هي العامل الأساسي في تصرفات والدتي و والدة تامر دي
إنما اللي استغربتله بجد بقي
إني قريب كنت قاعد عند اختي - و هي متعلمة و بكالوريوس تجارة - و مسمعتش الحوار كله اللي كان في الصالة بينها و بين احمد ابنها و سمعتها بتقوله : أحسن مانت لو راجل كان اللي يضربك تضربه انما تستاهل بقي خليك كده
دا غير اني سمعت ابوه كذا مرة و هو بيتريق عليه و يقوله ( يا خيخة ) و ابوه دا موظف في شركة بترول و برضه عايز ابنه يبقي راجل طبعا
هو بجد دا صح و انا اللي فاهم غلط و لا إيه الحكاية بالظبط ؟

والله يا عم ناصر دى طباع شخصية ملهاش علاقة بأى تعليم أو تحضر
كلنا إتربينا على كده

أممممممم
هو ده ماشي الطريق اللي عندي في المدونة فعلا و لا انا لسة مصحيتش من النوم و لا إيه :D

من فجر يومنا هذا الموافق(27 ابريل 2006) توا جدت كاميرات شايفنكم في قلب الحدث..الجمعيه العموميه لنادي القضاه لنقل احداث حيه و ردود فعل فوريه لما قد تؤل اليه الجلسه التأديبيه المقامه ضد كل من المستشار هشام بسطويسي و المستشار محمود مكي..ايماناً منا بدعم مسيرة استقلال القضاء...
وعلى الرغم من ان الجلسه قد تم تأجيلها بسبب عدم اخطار المستشارين و عدم وصول اي ورق لهم يوضح ما سوف يتم التساؤل عنه معهم حتى صباح هذا اليوم...الا ان ردود الافعال كانت اقوي من ان تتجاهلها كاميراتنا..
فمنذ ان صاحبنا القضاه في تمام الساعه العاشره صباحاً اثناء مغادرتهم لنادي القضاه و ذهابهم الى محكمة دار القضاء العالي قابلنا العديد من المسيرات التي تؤيد القضاه و تثبتهم على موقفهم النزيه..فأمام نقابه الصحفين وقف المئات من المتظاهرين..(صحفين مع مواطنين (في مسيره مؤيده لاستقلال القضاء..هذا غير الاعداد التى لم نستطع ان نحصيها التى تتظاهر امام نقابه المحامين تطالب بايمان بضروره استقلال القضاء..و قد تهافت على كاميراتنا العديد من المتظاهرين و كأنهم يطالبونا بأن نشهد على موقفهم و نوصل تلك الشهاده لكل مواطن في بلادنا..
وبسبب كل تلك الحشود المتظاهره في رمسيس و شارع 26 يوليو و عبد الخالق ثروت و صولاً بشارع شامبليون فوجئنا بتلك الحشود الامنيه الجباره و التى وصلت الى 80 عربيه امن مركزي..و كان كل همهم هو ان يمنعوا و صول المواطنين المتظاهرين عن الوصول الى القضاه الذين جاءوا ليؤيدوهم ..السؤال هنا..لماذا كل هذه الاعداد من رجال الامن المركزي؟...و لماذا هذا الاصرار ان يبعدوا المواطنين عن القضاه لدرجة ان يلجأوا الى ضرب العديد من المتظاهرين و القبض على آخرون.؟ و لماذا اثناء التظاهر منعوا كاميراتنا من الاقتراب من نادي القضاه؟......
اليوم...يعد نقطه هامه و مؤثره في مسيرة استقلال القضاء برغم كا ما واجهناه من صعوبات امنيه..و ستستمر حملتنا بالرغم من اي شيء حتى الخامس و العشرين من مايو...و سنظل مسلطين كاميراتنا و اعيننا على كل ما يحدث...و سنظل شايفنهم بكل تعسفهم و تجوازتهم و ننقل لكم_ بأمانة المدافع عن العداله_ ما يخطو اليه وطننا الآن نحو التغير الحقيقي....فتتضامنوا معنا...
نحن شعب يُسلب منه اهم و ابسط حقوقه..العداله!
فلا عداله بدون قضاء نزيه..و لا نزاهه لقضاء دون استقلاله!
فتضامنوا معنا من اجل وطن يستطيع كل مواطن فيه ان يؤمن ان هناك عداله....

www.shayfeen.com

مش عارف , بس انت هاتعمل اية لو ابنك طلعلك بيعيط؟
بغض النظرعن هاتتكلم معاة ازاى..هاتحاول تكلمة بالراحة يعني ولا هاتشخط فية.. بس في الاخر هل هاتقولة برضة اللي ضربك تضربة ؟

كل الحكاية انه تامر ده بقيت انت والزمن عليه
:((((

مش عاجبني منطق التعامل ده
لانه اساسه عنيف

لووووووووول أيوة يا عم أنا ماشى الطريق
حتى مامسحتش جزمتى قبل ما أخش البلوج عندك
ووسختلك الريسبشن
عندك شويبس صودا كريم؟؟؟؟

Hello from the USA!! :-)

الدليل الشامل للمدونات العربية

سياسة - اقتصاد - دين - ثقافة و المزيد

http://www.blogsguide2.blogspot.com/

الذكي المثقف و الغبي الجاهل وقت الصراع و الضرب واحد

لكنهم يختلفو وقت النقاش حين تظهر حقائق كل واحد منهم


:) هذا رايي فيفضل النقاش عن الصراع والحرب

امممممممممممممم
تفتكر احنا دولة نامية ليه
وليه الام ما بتوديش ابنها يلعب فى نادى ويتعلم كراتيه بدل ما تديلوه بالـ الم
وليه الاب بيقول لابنه ياخيخه وياحمار لغاية مل الواد يطلعله ديل
وليه لغاية دلوقتى الخنقات هى ثقافة الشارع
لو عاوز تعرف انت كلامك صح ولا غلط جاوب على الاسئلة دى
ومتجيش على الغلبان واتقى شر الحليم اذا غضب

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

شكراشص لك

اكبد غلط

حقيقى المدونة متميزه جداً جداً وموضوعاتها مهمه للغايه
لكم منى كل تقدير واحترام
مشكوووووووووووووووووووووور

Thanks to topic

Post a Comment